Ramón Piñeiro. O amigo que lembramos

Culto, discreto, reflexivo e afable, Piñeiro era tamén un firmísimo defensor das súas conviccións. A súa figura representa para o país non só aquilo que plasmou nos libros, senón tamén os moitos froitos do debate e a comunicación permanente con infinidade de persoas que fixeron famosa a súa mesa camilla, ou a laboura política que desenvolveu desde a xuventude ata a súa participación como parlamentario independente no grupo socialista na primeira lexislatura do Parlamento de Galicia.