مأمون القانوني

الكتاب الثاني الي بقرأه لديك الجن .. ومتل الكتاب الأول ..مراجعته حتكون بالعامية عشان تليق بجو الكتاب نفسه .

مأمون القانوني , كتاب بمثل شخصية من مجتمعنا ..بمثل كل حدا و أي حدا فينا .. مأمون القانوني هيي أفكارنا الي بنحكيها بس بيننا و بين حالنا , الي بنخبيها جواتنا قدام الناس عشان ما يفهمونا غلط .. أو ما نحس إنه إحنا غير عنهم ..
مأمون القانوني هيي الكلمة الحرة الي كل واحد فينا نفسه يحكيها بس خايف .
مأمون القانوني هو تجميع لكل الظلم و القهر و الفقر و العجز والمشاكل و الهموم الي بنادي من جوا كل شخص فينا .. شو ما كنت ومين ما كنت , مستحيل ما تلاقي حالك بقصة من قصص مأمون القانوني .. او حتى ممكن بقصة مأمون القانوني بذاته . وهاد هو السبب الأول و الرئيسي الي بخلي كل حدا وأي حدا يحبديك الجن .. و يحب شو بيكتب ديك الجن . لإنه صعب تتجاهل هاد الصوت الي جواتك و إنت بتقرأ كتاباته .. الصوت الي بيحكيلك أيوا بالضبط هيك..هيك أنا بحس..هاد الي بخاف منه .. او هاد أنا..

خمس نجوم وأكتر لديك الجن .. ومية نجمة لمأمون القانوني .