خان الشابندر

لدقائق فقدت الشعور بجسمي وحسيت عقلي سرح وعاش وياهم بسبب الوصف العظيم والمشاعر

اول مرة اقرأ عمل عراقي وبصراحة بيه نكهة غريبة كأني دا اقرأ عمل متقن ذكرني برواية إيطالية .... ابد ما قاري عراقي وهذا العمل شجعني ع الاعمال العراقية وخاصة من الروايات...من اقرا روايات أجنبية او حتى عربية يشرحون مرات اشياء ما افهمها فلازم اسوي بحث حتى اعرفها سواء جانت عندهم عادات او الجمل...من قريت هاي الرواية العراقية كلشي فهمت كافة الجمل والظروف الي عاشتها الشخصيات وحتى ادق التفاصيل فهمتها لأني عراقي حبيت هذا الشعور كلش

الشخصيات اغلبهن نساء والرواية على الرغم من انو البطل هو ذكر والمفروض نعيش ظروفه وتجربته بس هنا لا..ما راح تعيش من خلال البطل بكد ما راح تعيش من خلال النساء....النساء المهمشات الي ظروفهم جانت اقوى منهم بحيث جبرهن يتغير مسارهن ويتخذن حياة قاسية بعيدة كل البعد عن حياتهن القديمة...العراق بعد 2003 بزمن الملالي والاسلاميين الي يطبق الشريعة بحذافيرها بحيث المله ما يزني بالبنت بسرعة...لا حرام ...يخليها تزوجه نفسها بحضور بنت آخرى وانوب من يكمل متعته يطلگها بالثلاث انه الزنى الاسلامي يا سادة......... العمل كلش جريء خاصة من ناحية العلاقات احسه صرخة بوجهة الإسلاميين بهذيج الفترة!!!! .......العمل عظيم على الرغم من الهفوات الي بيه خاصة بشخصية زينب ابد ما حسيت الكاتب أتقن بناء هاي الشخصية...

بشكل عام رواية عظيمة تستحق القراءة