A Love Story Written in the Stars

"Ang isa sa pinakamahirap na katotohanan sa mundo ay 'yong alam mo sa loob ng puso mo na mahal mo ang isang tao, pero nauubusan ka na ng rason para ipaglaban ang pagmamahal na 'yon."

Magkaiba ang pakay at hinahanap nina Coco at Franklin nang magpunta sila sa Cannes, France. But they found each other instead. Doon nagsimulang mabuo ang isang makulay na relasyon sa pagitan nila.

Pero dahil sa hindi inaasahang pangyayari ay kinailangang umalis ni Coco ng France. Hindi na sila nagkaroon ni Franklin ng pagkakataon na magkausap pang muli bago siya umuwi sa Pilipinas. However, after all the years that followed, she still cherished in her heart what he promised her.

Pagkalipas ng limang taon, muli silang nagkita. Pero nag-iba na ang lahat. Ibang Franklin na ang nakatagpo uli niya. Parang hindi na siya kilala nito. But she would never surrender. Panghahawakan niya ang pangako nito. She would fight for their love come ruin or rapture.